السلام علیکم

میرا نام سید عرفان شیرازی ہے اور میرا تعلق خان پور سیداں سے ہے۔ میں نے مختلف ادوار میں مختلف شجرہ کی کتابیں دیکھی ہیں۔ ان کتابوں میں کئی غلطیاں موجود تھیں، اور اگر کوئی شخص اپنی خاندانی معلومات میں کوئی درستگی کروانا چاہتا، تو اس کے لیے پوری کتاب کی دوبارہ اشاعت کے علاوہ کوئی آسان راستہ موجود نہ تھا، جو کہ ایک مشکل اور مہنگا کام تھا۔ میں نے 2017 میں خان پور سیداں کے شجرے کو ایک ویب سائٹ کی صورت میں پیش کرنے کا فیصلہ کیا۔ اسی مقصد کے لیے یعسوب شیرازی صاحب نے کتاب فراہم کی، اور اظہر جعفری صاحب نے اردو کمپوزنگ میں میری مدد کی۔ یہ ویب سائٹ 2017 میں لائیو کر دی گئی، تاہم بعد ازاں میں نے اس کا ڈومین نیم تبدیل کر دیا۔ بہت سے افراد نے اپنے ناموں کی درستگی اور نئے نام شامل کروانے کے لیے مجھ سے رابطہ کیا، لیکن اصل مسئلہ تصدیق کا تھا۔ اس مقصد کے لیے درج ذیل حضرات نے فراہم کردہ معلومات کی تصدیق کی ذمہ داری قبول کی:

• سید عرفان شیرازی
• سید ذیشان شیرازی
• سید وجاہت شیرازی
• ڈاکٹر طاہر شیرازی
• سید علی شعیب شیرازی
• سید ذوالفقار شیرازی

جس پر میں ان سب کا تہہ دل سے مشکور ہوں۔ ہم ایک ٹیم کے طور پر اس ویب سائٹ میں مزید خصوصیات شامل کرنے کی کوشش کر رہے ہیں، جیسے کہ براہِ راست خان پور یا دیگر مقامات سے معلومات کی ترسیل۔ اگر آپ اپنے خاندانی ڈیٹا کی درستگی چاہتے ہیں، تو آپ ٹیم کے کسی بھی رکن سے رابطہ کر سکتے ہیں، یا ہر صفحے کے نیچے دیے گئے واٹس ایپ نمبر پر براہِ راست مجھ سے رابطہ کریں۔